Sot, Komisioni për Ekonomi, Punësim, Tregti, Industri, Ndërmarrësi dhe Investime Strategjike ka mbajtur mbledhje.
Deputetja nga radhët e Lëvizjes Vetëvendosje, Mimoza Kusari-Lila ka njoftuar se ministrat e Qeverisë Hoti kanë munguar në këtë mbledhje. Ky veprim i ministrave nuk i ka pëlqyer deputetetës së VV-së, e ciila reagoi në facebook duke thënë se nuk e di çfarë qeverie është kjo.
Postimi i plotë
"Ministrat e Qeverisë Hoti nuk e marrin mundin të vijnë në Kuvend as për prezantim të projekligjeve të tyre. Çfarë Qeverie është kjo, kur as punët bazike nuk i kryejnë si duhet e lërë më të pritet ndonjë "arritje historike"", tha Kusari-Lila, përcjell "Bota sot".
