Ambasadori i Kosovës në Maqedoni të Veriut, Gjergj Deda, ka thënë në emisionin Pressing në T7 se Hashim Thaci, meriton të fitojë edhe një mandat si President i Kosovës.
“Shpresoj që Thaci do të jetë edhe një mandat president”, tha ai në emision.
“Është mirë edhe për Kosovën. Vetë tema e Kosovës nuk mund të përmbyllet pa të”
Deda shkoi edhe më lart duke e cilësuar Thacin si faktorin kryesor në historinë moderne në Kosovë.
“Thaci është faktori kryesor në historinë moderne të Kosovës. Cfarëdo që i ndodhë atij do të dëmtonte proceset e Kosovës”, përfundoi ai.
