Në kuadër të Forumit të Sigurisë që ka filluar me 6 tetor në Beograd, sot është duke vazhduar edhe përmes platformave online.
Me këtë rast përfaqësuesi special i BE-së për dialogun, Miroslav Lajçak, e sheh si një hap shumë të rëndësishëm, procesin e normalizimit në mes të Kosovës dhe Serbisë.
Ai ka thënë se procesi i normalizimit në mes të Kosovës dhe Serbisë, e sheh si një hap të madh në kontributin, për në besimin rajonal dhe një element domethënës për zgjidhjen e sfidave rajonale.
“Për këtë, kemi qëllim që t’i arrijmë tri çështje njëkohësisht: e para normalizimi i raporteve mes të dyja palëve, kontributi në normat evropiane dhe sjelljen e rajonit sa më afër të ardhmes evropiane. Serbia të kontribuojë në stabilitetin rajonal”, ka thënë Laiçak.
Me këtë rast përfaqësuesi i BE-së, Lajçak ka theksuar se zgjidhja nuk është një proces i lehtë, por do të jetë një kompromis i dhimbshëm.