Është kryetar i Ballit Kombëtar Demokrat, Gazmend Islami, i cili në zgjedhjet e 6 tetorit kandidoi për postin e deputetit në Kuvendin e Kosovës në listë me Lëvizjes Vetëvendosje, i cili sot ka vizituar ushtruesin e detyrës së kryetarit të Podujevës, Nexhmi Rudari, dhe drejtorin e Bujqësisë, Vezir Januzi.
Islami përmes një shkrimi në Facebook, thotë se ka përgëzuar Rudarin për punët që ka bërë gjatë këtyre muajve si i pari i Podujevës.
Ndërsa, konsideron se fitorja e LDK-së, përkatësisht e së djathtës, do të jetë plebishitare dhe shumë bindëse në zgjedhjet që pritet të mbahen në këtë komunë në fund të muajit.
Ja shkrimi i tij:
Sot takova ushtruesin e detyrës së kryetarit të Podujevës, z. Nexhmi Rudarin dhe drejtorin e bujqësisë, z. Vezir Januzin, ku si partnerë koalicioni iu dhashë mbështetje të pakufizuar për mandatin e ardhshëm në krye të komunës sonë.
Z. Rudari e përgëzova për punët që ka bërë gjatë këtyre muajve si i pari i Podujevës, ndërsa konkluduam njëzëri se fitorja e LDK-së, përkatësisht e së djathtës do të jetë plebishitare dhe shumë bindëse, aq sa do t’i bindim se majtistët nuk mund të fitojnë besimin e qytetarëve.
Llapi është kockë e pathyer e të djathtës!