(E plotësuar 15:37) - Për më shumë se 7 orë, hetues të EULEX-it kanë qëndruar në shtëpinë e ish- presidentit Hashim Thaçi.
Të njejtit janë pozicionuar në shtëpinë e Thaçit që nga ora 8 e mëngjesit, me asistimin e Policisë së Kosovës.
Vlen të përmendim faktin se ditën e djeshme, ish- presidenti i vendit është transferuar për në Hagë së bashku me Kadri Veselin dhe Rexhep Selimin, pas aktakuzave të konfirmuara nga Gjykata Speciale.
Vazhdon bastisja, shtohen hetuesit e EULEX-it në shtëpinë e Thaçit
Eulex që nga mëngjesi është duke bërë bastisje në shtëpisë e ish presidentit të Kosovës, Hashim Thaçi në Çagllavicë.
Para shtëpisë së Thaçit ndodhen veturat të EULEX dhe ato të Policisë së Kosovës.
Brenda në shtëpinë e Thaçit ndodhet edhe këshilltari i ish kreut të shtetit, Dastid Pallaska.
EULEX ka nisur bastisjen e shtëpisë së ish presidentit Hashim Thaçi e cila ndodhet në Çagllavicë.
Është vëllai i ish Presidentit, Idrizi i cili është parë duke hyrë bashkë me pjesëtarët e EULEX-it në shtëpinë e ish Presidentit Thaçi.
***
Ka filluar bastisja e shtëpisë së ish presidentit të Kosovës, Hashim Thaçi në Çagllavicë. Para shtëpisë së Thaçit ndodhen veturat të EULEX dhe ato të Policisë së Kosovës.
I pranishëm është deputeti i PDK-së, Abelard Tahiri, por që nuk ka dashur të flas para kamerave.
Ai ka thënë se detaje mund t’i jap avokati i ish kreut të shtetit, Hashim Thaçi.
***
Ka nisur tashmë bastisja e shtëpisë e ish presidentit të vendit Hashim Thaçit.
Ai tashmë ndodhet në Hagë, pasi iu është konfirmuar aktakuza ndaj tij nga Zyrat e Prokurorit të Specializuar.
***
Vetura të shumta të Policisë së Kosovës janë parë në mëngjesin e së premtes pranë shtëpisë së ish-presidentit të Kosovës, Hashim Thaçit.
Një ditë pas transferimit të Thaçit në Hagë, policia e EULEX-it kanë zbarkuar në shtëpinë e Thaçit.
Aty gjendet edhe Policia e Kosovës.
Ndërkohë, në shtëpinë e Thaçit ka mbërrijtur edhe deputeti Abelard Tahiri, i cili ka qenë këshilltar i ish-presidentit për vite të tëra.
