Zyrtari i LDK-së dhe shefi i kabinetit të ministrit të Brendshëm, Bajram Gecaj, ka kujtuar se çfarë i ka thënë presidenti historik Ibrahim Rugova në vitet e 90-ta në Londër.
Gecaj përmes një postimi në Facebook, shkruan se Rugova i ka thënë se logjika e lëvizjes ishte që mos t’i lënë Serbisë asnjë shqiptarë dhe të siguroheshin që jo secili të mund të arrijë lart në hierarkinë e lëvizjes.
Ai këtë e ka lidhur edhe me Haki Abazin, për të cilin thotë se ka arritur shumë lartë.
E krejt kjo pasi mbrëmë në një emision televizion Haki Abazi u pyet për zyrën e tij në Serbi në kohën kur ishte drejtor i Rockefeller Brothers Fund për Ballkanin Perëndimor.
Postimi i Bajram Gecaj:
Dr. Ibrahim Rugova më kishte thënë njëherë në Londër gjatë viteve 90-ta se logjika e lëvizjes ishte që mos t’i lëmë Serbisë asnjë shqiptarë, por që gjithashtu të sigurohemi që jo secili të mund të arrijë lartë në hierarkinë e lëvizjes ... Haki Abazi definitivisht ka arritur shumë më lartë se duhet.
