Muharrem Nitaj nga AAK, ka thënë se nëse nuk zgjedhet presidenti i vendit brenda dy mujave, atëherë Kosova mund të shkojë në krizë kushtetuese.
Ai ka sqaruar rrethanat për zgjedhjen e presindetit dhe mbajtjen e zgjedhjeve.
Sipas tij, vendi do të mbetej pa President, pa Qeveri dhe pa Kuvend.
Postimi në Facebook:
Nëse presidenti i Kosovës nuk do të zgjedhet brenda dy muajve të ardhshëm, Vendi mund të shkojë në krizë kushtetuese.
Edhe sikur si sot dy muaj të shpallëshin zgjedhjet, kjo si pasojë e dështimit eventual të zgjedhjes së presidentit, ato nuk do të mund të mbaheshin para 45 ditëve, që i bie 4 muaj të mandatit të Ushtruesës së detyrës së Presidentit.
Poashtu është pak e besueshme se që nga dita e votimeve, brenda dy muajve vijues do të mund të çertifikoheshin apo të konstituohej Kuvendi, dhe kështu rrezikohet afati i fundit që është 6 maji i vitit të ardhshëm, kur edhe i skadon mandati Ushtrueses së Detyrës së Presidentit.
Në një situatë të tillë, Vendi do të mbetej pa President, pa Qeveri dhe pa Kuvend.