“Do ta marrë edhe Dua Lipën”, Presidenca reagon për raportimet se Osmani i çoi letër Bidenit

Aktuale

“Do ta marrë edhe Dua Lipën”, Presidenca reagon për raportimet se Osmani i çoi letër Bidenit

Më: 27 shtator 2022 Në ora: 16:48
Vjosa Osmani

Sot në media është raportuar se presidentja Osmani i ka dërguar letër presidentit Biden, ku ndër të tjerash, ajo i ka “premtuar” Bidenit se nëse realizohet takimi, me vete do ta marrë këngëtaren Dua Lipa. Këto raportime i ka mohuar këshilltari për media i presidentes Osmani, Bekim Kupina.

Kupina tha se të gjitha letrat e presidentes që i janë dërguar Bidenit janë publike “dhe asnjëherë nuk e kanë pasur një përmbajtje të tillë”.

“Prandaj, raportimet e tilla nga disa mediume, janë të pavërteta”, ka shkruar ai.

Postimi i plotë:

Demant

Presidentja Osmani asnjëherë dhe në asnjë rast nuk i ka dërguar letër Presidentit të SHBA-ve, Joe Biden, në të cilën thotë se do ta marrë me vete edhe Dua Lipën në takim. Të gjitha letrat e Presidentes dërguar Presidentit Biden janë publike dhe ato asnjëherë nuk e kanë pasur një përmbajtje të tillë.

Prandaj, raportimet e tilla nga disa mediume, janë të pavërteta

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat