Treni me mbishkrimin provokues “Kosova është Serbi”, një dhuratë e hekurudhës së Rusisë, për hekurudhën e Serbisë, me dekor të jashtëm me një parullë të madhe në disa gjuhë të botës, përfshirë atë, kineze, ruse, maqedonase, greke, arabe dhe shqip, që ishte nisur nga Beogradi, dje në ora 8:30, ndërsa pritjet të arrijë rreth orës 19:30 të mbrëmjes së djeshme në veri të Mitrovicës, është ndaluar nga policia kosovare sipas njoftimeve nga Prishtina në një stacion shumë afër Rashkes.
Ndërsa bëhet e ditur se trupat e njësive speciale të Kosovës - ROS, me mjete të blinduara janë instaluar afër pikës kufitare të Jarinjes, dhe kanë qëndruar përgjatë natës dhe po qëndrojnë atje në shërbim - ku treni duhet të kalonte pikën e fundit kufitare me Serbinë dhe hyrjen e tij në Kosovë.
Vete ministri i Infrastrukturës, Lutfi Zhaku, i ka dërguar një shkresë zyrtare drejtorit të policisë, ku i kërkon ndalimin e futjes së trenit në territorin e Kosovës.
Edhe mediat ne Beograd konfirmojnë se treni është ndalur ne anën serbe të kufirit në Rrashke dhe me shumë gjase do të kthehet mbrapsht.
Sot në orën 12 serbet e Mitrovicës thuhet se kanë planifikuar të protestojnë ndaj këtij vendimi për ndalimin e hyrjes se këtij treni në territorin e Republikës se Kosovës.
Ndërkohë, këtu ne Prishtine qytetaret e Kosovës e kanë pritur me indinjate të thelle këtë veprim të Beogradit. Një grup qytetaresh këtu në Prishtine i deklaruan gazetës Bota sot, "se nëse do të nevojitet reagimi gjithë shqiptare, jemi të gateshim të shkojmë në Mitrovicë e të protestojmë dhe të mos lejojmë në asnjë mënyre këtë veprim tepër provokues të Serbisë ndaj Kosovës, integritetit të saj dhe sovranitetit të Republikës se Kosovës".
