Lista Serbe dhe minoritetet tjera në Kosovë do të jenë në Qeverinë Haradinaj, porse këto grupe minoritare të Kosovës nuk po përfshihen në qeverisje me ndonjë kusht, ka thënë deputeti i zgjedhur i AAK-së dhe ish kryetari i Komunës së Deçanit, Rasim Selmanaj.
Selmanaj këto komente i ka bërë menjëherë pas mbledhjes së kryesisë së AAK-së në selinë e partisë në Prishtinë.
Ai, në një prononcim të shkurtër për media, ka shtuar se tashmë është gjë e ditur që koalicioni PAN i ka votat për formimin e Qeverisë dhe se këtë do ta shohin të gjithë ditën kur do të votohet formacioni i ri qeverisës në Parlament.
