Kryetari i Aleancës për Ardhmërinë e Kosovës dhe njëherit kandidati i PAN'it, për kryeministër të vendit, Ramush Haradinaj, gjatë ditës së sotme ëshë takuar me kryeministrin e Shqipërisë Edi Rama. Këtë takim e ka konfirmuar partia e Haradinajt.
Ramush Haradinaj e Edi Rama sot kanë pirë kafe së bashku. Ata më këtë rast kanë bërë edhe një fotogarfi.
Por, përtej kësaj kandidati i PAN'it, Haradinaj dhe Rama nuk e kanë lënë anash edhe diskutimin rreth krijimit të institucioneve të Kosovës.
Anëtari i kryesisë së AAK’së, Muharrem Nitaj e ka konfirmuar këtë takim dhe ka treguar se është biseduar edhe për situatën aktuale politike në Kosovë.
“Krejt çka mundem më thënë është se nuk është kapërcyer as tema e krijimit të institucioneve të Kosovës dhe rëndësisë që ka ky proces për vendin”, ka thënë Nitaj.
