Prokurori Hivzi Bajraktari kërkoi paraburgim për të dyshuarin për vrasjen e një 17 vjeçi në Prishtinë të shtunën.
Prokurori Hivzi Bajraktari, ka kërkuar që të dyshuarit për vrasjen e 17 vjeçit të shtunën në Prishtinë, t’i caktohet masa e paraburgimit në kohëzgjatje prej një muaji.
Lajmin për kallxo e bëri të ditur avokati i të dyshuarit, Veton Rrecaj.
Seanca ishte e mbyllur për publikun.
Bëhet e ditur se vepra penale është cilësuar si vrasje e rëndë, derisa avokati ka kërkuar që eventualisht gjatë hetimeve vepra të rikualifikohet në vrasje të kryer në gjendje të afektit mendor.
Vendimi do të merret brenda ditës.
Më 9 dhjetor, një 17 vjeç vdiq në QKUK si pasojë e plagëve të marra me thikë.
