Kuvendi sqaron takimin me Haliti dhe Aida Dërgutit - Bota Sot
Kuvendi sqaron takimin me Haliti dhe Aida Dërgutit

Aktuale

Kuvendi sqaron takimin me Haliti dhe Aida Dërgutit

Më: 13 mars 2018 Në ora: 15:12
Xhavit Haliti me deputeten e VV-së Aida Dërguti

Zyra për media e Kuvendit të Kosovës me anë të një njoftimi sqaron raportimet e mediave për takimin e nënkryetarit të Kuvendit të Kosovës Xhavit Haliti me deputeten e VV-së Aida Dërguti.

“Kuvendi i Kosovës dëshiron të njoftojë se gjatë ditës së djeshme, nënkryetarët e Kuvendit, Xhavit Haliti dhe Aida Dërguti, në orën 8:50 janë paraqitur për të aplikuar për vizë në TLScontact center (Qendra për Aplikim të vizave për Britani të Madhe), e cila gjenden në Hotel ‘Sirius’, ku edhe është bërë fotografia, gjatë kohës kur të dy nënkryetarët kanë qenë duke pritur për të aplikuar për vizë”, thuhet në sqarim.

Nënkryetarët Haliti dhe Dërguti janë anëtarë të përhershëm të Kuvendit të Kosovës në Asamblenë Parlamentare të Këshillit të Evropës.

“Në kuadër të komisioneve të APKIE-së, është edhe takimi i Komisionit për Migrim, Refugjatë dhe Persona të Zhvendosur, cili do të mbahet në Londër më 26 mars. Në këtë takim, do të marrin pjesë edhe dy nënkryetarët e Kuvendit të Kosovës, Xhavit Haliti dhe Aida Dërguti”, thuhet në sqarimin e zyrës së nënkryetares Aida Dërguti.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test