Albin Kurti takohet me Ambasadorin Delawie, tregon çka biseduan dhe për çka ranë dakord - Bota Sot
Albin Kurti takohet me Ambasadorin Delawie, tregon çka biseduan dhe për çka ranë dakord

Aktuale

Albin Kurti takohet me Ambasadorin Delawie, tregon çka biseduan dhe për çka ranë dakord

Nga: P.R Më: 20 qershor 2018 Në ora: 17:47
Greg Delawie dhe Albin Kurti

Kryetari i Lëvizjes Vetëvendosje, Albin Kurti, përmes një postimi në facebook, ka njoftuar se sot ka zhvilluar një takim me Ambasadorin e Shteteve të Bashkuara të Amerikës në Kosovë, Greg Delawie.

“Sot pata kënaqësinë të takohem me Ambasadorin Greg Delawie në Ambasadën e Shteteve të Bashkuara në Prishtinë. Bashkë me Ambasadorin Delawie diskutuam për funksionimin e institucioneve në Republikën e Kosovës në përputhje me shtetin e së drejtës dhe parimet e demokracisë në republikën parlamentare. Më tej trajtuam edhe çështjet që kanë të bëjnë me zhvillimin ekonomik të Kosovës, arsimin e punësimin, si dhe situatën në lidhje me dialogun me Serbinë. Ambasadorit Delawie i shpjegova qëndrimet dhe punën e Lëvizjes VETËVENDOSJE! për të gjitha këto çështje. U dakorduam për t’i vazhduar kontaktet dhe takimet e këtilla edhe në të ardhmen”, thuhet në njoftimin e Kurtit, përcjellë “Bota sot”.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test