Albin Kurti: Kosova të marrë shembull nga Kanadaja - Bota Sot
Albin Kurti: Kosova të marrë shembull nga Kanadaja

Aktuale

E premte, 19 tetor 2018

Albin Kurti: Kosova të marrë shembull nga Kanadaja

Më: 10 gusht 2018 Në ora: 15:32
Albin Kurti u takua me ambasadorin kanadez për Kosovë e Kroaci, Daniel Maksymiuk dhe me bashkëpunëtorët e tij

Kreu i Vetëvendosjes Albin Kurti, i shoqëruar nga kordinatorja e komiteteve profesionale, Dejona Mihali, u takuan me ambasadorin kanadez për Kosovë e Kroaci, jo-rezident në Kosovë, Daniel Maksymiuk dhe me bashkëpunëtorët e tij.

Nga Vetëvendosje kanë bërë të ditur se gjatë takimit u diskutua për zhvillimet aktuale politike në Kosovë e rajon, për problemet me të cilat ballafaqohen shtetet e Ballkanit, të ardhmen e marrëdhënieve mes tyre dhe raportet me BE-në dhe NATO-n.

Kurti ka shpalosur pikësynimet e partisë së tij për shtetndërtim dhe zhvillim ekonomik e shoqëror.

“Duke qenë njëra ndër shtetet më përparimtare sa i përket transparencës qeverisëse, zhvillimit socio-ekonomik dhe lirive civile, Kanadaja paraqet një model të shkëlqyeshëm të shtetit social nga i cili Kosova mund të marrë shembull”.

Në fund të takimit dy palët u dakorduan për komunikim të vazhdueshëm dhe bashkëpunime të mëtutjeshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test