Zbulohet këngëtarja që do të këndojë te Ura e Ibrit, është nga Kolumbia - Bota Sot
Zbulohet këngëtarja që do të këndojë te Ura e Ibrit, është nga Kolumbia

Aktuale

E enjte, 15 nëntor 2018

Zbulohet këngëtarja që do të këndojë te Ura e Ibrit, është nga Kolumbia

Më: 14 tetor 2018 Në ora: 22:33
Ura e Ibritt

Ministri i Punëve të Jashtme, Behgjet Pacolli, ka bërë të ditur se ka zhvilluar takim zyrtar me Kryetarin e Mitrovicës Agim Bahtirin, me ç’rast kanë diskutuar edhe për çështjen e hapjes së Urës së Ibrit.

Pacolli ka bërë të ditur se ka bashkëbiseduar me Bahtirin për të realizuar një ceremoni të veçantë për hapjen e Urës së Ibrit në Mitrovicë, datë historike kjo e shumëpritur për gjithë kosovarët.

Më tej ai ka theksuar se është propozuar që në këtë ceremoni të jetë e ftuar një këngëtare amerikane për të performuar.

Por, media merr vesh se këngëtarja e cila pritet të performojë atë ditë në të cilën do të bëhet hapja zyrtare e Urës së Ibrit, është Shakira, emër i njohur ky në botën e shoubizit dhe më gjerë.

Këtë e kanë bërë të ditur burime të mediave nga zyra e Ministrisë së Punëve të Jashtme, ndërsa është thënë se ”ende nuk ka diçka konkrete, veçse ajo është propozuar si ide e mundshme”.

Image

Sipas ministrit të Jashtëm Behgjet Pacolli, këngëtarja e cila do të performojë në ceremoninë e hapjes së Urës së Ibrit, do ta mbahet mend edhe më gjatë pasi për të ka dhe një propozim-vendim tjetër:

”Hapja do të bëhet me një ceremoni të veçantë, ku do të performoj edhe një këngëtare amerikane, emrin e së cilës do të propozojmë që ta mbaj Ura e Ibrit”, ka theksuar Pacolli në llogarinë e tij të Facebook-ut.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test