Tanja Fajon: Shkëmbimi i territoreve nuk është rruga që duhet të ndjekin Kosova dhe Serbia - Bota Sot
Tanja Fajon: Shkëmbimi i territoreve nuk është rruga që duhet të ndjekin Kosova dhe Serbia

Aktuale

E premte, 16 nëntor 2018

Tanja Fajon: Shkëmbimi i territoreve nuk është rruga që duhet të ndjekin Kosova dhe Serbia

Më: 10 nëntor 2018 Në ora: 23:39
Eurodeputetja dhe Raportuesja për liberalizimin e vizave për Kosovën, Tanja Fajon

Eurodeputetja dhe Raportuesja për liberalizimin e vizave për Kosovën, Tanja Fajon, gjatë qëndrimit të saj në Serbi është intervistuar nga mediat atje.

Ajo në një intervistë ka folur për gjendjen politike të brendshme të Serbisë dhe politikat që duhet të zhvillojë shteti drejtë anëtarësimit në Bashkimin Evropian.

Mirëpo ndër të tjera Fajon është pyetur edhe për dialogun Kosovë – Serbi, për bllokimin e negociatave pas takimit të fundit të palëve në Bruksel.

Fajon është shprehur se dialogu duhet të funksionojë sa më shpejtë dhe të synojë përmirësimin e jetës së qytetarëve në të dy anët, por e ka konsideruar procesin si tejet delikat.

“Dialogu duhet të funksionojë sa më shpejtë dhe synimi është të përmirësohet jeta e qytatarëve në të dy anët, por ky proces është delikat.”, është shprehur Fajon.

Ajo gjithashtu ka shtuar se ideja për shkëmbimin e territoreve është një ide e rrezikshme sepse e kaluara na ka mësuar se ndryshimi i kufijve çon në konflikte e luftra.

“Ka gjithashtu bisedime për shkëmbimin e territorit. Është e rëndësishme që ne të mos shkaktojmë një problem të ri në rajon, një paqëndrueshmëri të re. Për fat të keq, e kaluara na ka mësuar që nëse ndryshojmë kufijtë – shpesh kemi konflite, luftëra. Kjo nuk është rruga që ne duam të ndjekim.”, ka përfunuar anëtarja e Parlamentit Evropian.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test