Ambasada e SHBA-së në Prishtinë reagon për taksën ndaj produkteve serbe - Bota Sot
Ambasada e SHBA-së në Prishtinë reagon për taksën ndaj produkteve serbe

Aktuale

Ambasada e SHBA-së në Prishtinë reagon për taksën ndaj produkteve serbe

Më: 13 nëntor 2018 Në ora: 17:54
Ilustrim

E ngarkuara me punë në Ambasadën e Shteteve të Bashkuara të Amerikës, Colleen Hyland, ka thënë se taksa e vendosur nga Qeveria e Republikës së Kosovës për produktet e importuara nga Serbia dhe Bosnja e Hercegovina, krijon pasiguri tek bizneset dhe shkakton paqëndrueshmëri ekonomike.

Ajo ka thënë se është më mirë që të bëhet përpjekje që përmes dialogut të sigurohet një e ardhme më e begatë.

Hyland thotë se nga një taksë e tillë nuk përfiton Kosova.

“Nga ngritja e detyrimeve ndaj anëtarëve të tjerë të CEFTA-s nuk përfiton #Kosova. Ajo krijon vetëm pasiguri për bizneset dhe krijon paqëndrueshmëri ekonomike. Është më mirë të bëhen  më shumë përpjekje për të siguruar një të ardhme të begatë nëpërmjet Dialogut”, ka shkruar ajo në tëitter.

Kundër një takse të tille prej 10 për qind, kanë reaguar ashpër nga Serbia dhe Bosnja e Hercegovina.

Ndërsa Qeveria e Republikës së Kosovës ka thënë se një taks e tillë është vendosur për të mbështetur prodhimin vendor.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test