Raportohet se Millan Radojiçiq, një nga figurat kryesore të komunitetit serb në veri, i portretizuar si kriminel, ka arritur që të ikë nga Policia e Kosovës.
Lidhur me ketë, anëtari i Lëvizjes Vetëvendosje, Valdrin Ahmeti ka pyetur se kush ia mundësoi ikjen Milan Radojiçiqit nga policia.
Ai në një postim në Facebook, ka ngritur hipoteza se mos kryeministri Haradinaj i ka ndihmuar Radojiçiqit që të ikë nga arresti, përcjell “Bota sot”.
“A thua kush ia mundësoi ikjen Milan Radojiçiqit nga policia? Mos ndoshta shoku i tij në Prishtinë të cilin e takoi para disa muajsh?”, ka pyetur anëtari i Lëvizjes Vetëvendosje, Vadrin Ahmeti.
Ndryshe, forcat speciale të Policisë së Kosovës ROSU kanë arrestuar sot në Mitrovicë katër persona, siç raportohet, në lidhje me vrasjen e Oliver Ivanoviqit, që ka ndodhur më 16 janar të këtij viti.
