Nënkryetari i AAK’së, Muharrem Nitaj ka reaguar ndaj deklaratave të Ministrit Shqiptar të Financave, Arben Ahmetit, i cili tha se “taksa e Qeverisë së Kosovës për produketet serbe, nuk është e shëndeteshme”, duke e porositur atë që të kujdeset për “shëndetin” e Qeverisë së tij.
Nitaj përmes një postimi në Facebook, ka shkruar se në vend që Ahmeti të kërkojë sqarime për agresisionin ekonomik e politik të Serbisë ndaj Kosovës, ai ka premtuar lehtësira për importet nga Serbia.
Derisa e ka porositur atë që të kujdeset për “shëndetin” e Qeverisë së tij
Ky është postimi i plotë i tij:
Një taksë edhe për Ministrin shqiptar Ahmetaj, aman!
Ministri shqiptar i financave, Arben Ahmetaj, paska deklaruar se taksa e Qeverisë së Kosovës për produketet serbe, nuk qenka e shëndetshme!
E porosis Ministrin Ahmetaj të kujdeset për shëndetin e Qeverisë së tij dhe hiç mos ta ketë gajle shëndetin tonë!
Ai në vend që ministrit serb të financave t’i kërkojë sqarime për agresionin ekonomik e politik të Serbisë ndaj Kosovës, paska premtuar lehtësira për importet nga Serbia!
S’ka problem, veç dushk për gogla mos na shitni!
Këtij farë ministri i paska ngelur sahati në kohën e “vellëzërve kinezë e miqëve kosovarë”!
MN.
