E ngatërrojnë datën e betejës së parë frontale të UÇK-së - Bota Sot
E ngatërrojnë datën e betejës së parë frontale të UÇK-së

Aktuale

E ngatërrojnë datën e betejës së parë frontale të UÇK-së

Më: 25 nëntor 2018 Në ora: 16:34
Pamje nga homazhet

Kryetari i Kuvendit të Kosovës, Kadri Veseli, ka qëndruar gjatë ditës në Drenicë, atje ku dega e PDK-së ka telashe të mëdha.Duke qenë se ishte në Skënderaj, Veseli ka nderuar figurën e Komandantit Legjendar, Adem Jashari në vigjilje të festave të Nëntorit.

Kjo festë kombëtare ka marrë peshë edhe më shumë me daljen e UÇK-së në skenë me 28 Nëntor 1997 në Llaushë të Skënderaj të cilës i parapriu beteja në fshatin Rezallë të Re, e para saj lufta që bëri Abedin Rexha – Sandokani.

Konfrontimi i Sandukanit me policët serbë ndodhi pikërisht me 25 nëntor 1997 ne Vojnike, kurse një ditë më vonë luftetarët e UÇK-së në krye me Adem Jasharin ia zunë pritën forcave serbe që ishin nisur ta sulmonin Vojnikun.

Por duket se Kadri Veseli e ka ngatërruar datat dhe momentet më të lavdishme të UÇK-së.

Përmes postimit në Facebook, kreu i Kuvendit kujton sot betejën në Rezallë të re, e në fakt ajo ka ndodhë një ditë më vonë. Sot është përvjetori i luftës që ka bërë Abedin Rexha në Vojnikë.

“21 vite më parë, në Rezallë të Re të Skenderajt ndodhi ballafaqimi i parë frontal i UÇK-së me policinë pushtuese serbe. Ajo betejë hoqi përfundimisht gjitha dilemat rreth luftës sonë çlirimtare dhe kështu shërbeu si paralajmërim i saj. Në nderim të kësaj beteje, me shumë bashkëluftëtarë, nderuam prijësin e kësaj beteje, komandantin legjendar të UÇK-së, Adem Jasharin. Duke qenë të bashkuar e fituam lirinë. Dhe, të bashkuar do ta zhvillojmë Kosovën dhe do ta bëjmë më të fortë shtetin tonë të pavarur e Sovran”, shkruan Veseli në Facebook.

Për ta kuptuar historinë e vërtetë të asaj se cka ka ndodhë me 25, 26, 27 dhe 28 Nëntor 1997, shikojeni dokumentarin “Tri ditë para fillimi”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...