Kryetari i këshillit kombëtar në Luginën e Preshevës, Ragmi Mustafa, ka thënë se është i zhgënjyer me Qeverinë e Shqipërisë dhe Kosovës, pasi që sipas tij, në mbledhjen e përbashkët të Pejës, ato nuk përfshinë asgjë për Luginën e Preshevës.
Ai ka thënë se përderisa Lugina e Preshevës vazhdon të diskriminohet në të gjitha fushat nga Serbia, mbështetja e sotme e Prishtinës dhe Tiranës është jetike për shqiptarët në Serbi.
“Qeverisja e re e Këshillit Kombëtar Shqiptar do të angazhohet për thellimin e komunikimit dhe të bashkëpunimit me kabinetet qeveritare të Shqipërisë dhe Kosovës”, ka shkruar Mustafa në llogarinë e tij të Facebook-ut.
“Modeli i bashkërendimit dhe bashkëveprimit të Këshillave Kombëtare Hungareze dhe Kroate me Budapestin dhe Zagrebin zyrtar, janë një shembull i mirë që mund të na shërbejë edhe neve në të ardhmen”.
Këtu mund ta lexoni shkrimin e plotë të cilin Mustafa e ka postuar në Facebook.