Njohësi i çështjeve juridike në Kosovë, Riza Smaka potencon se, ministri i Punëve të Jashtme është dashur të jap dorëheqje pas mohimit të njohjeve të vendit tonë nga shtetet të cilat tashmë e kanë tërhequr njohjen.
“Në cilindo vend të demokracive parlamentare madje edhe në të tjera po të kishin ndodhur një dyzinë e mohimeve të njohjeve të mëparshme të vendit tonë, nëse jo tërë Qeveria atëherë padyshim dhe pa asnjë farë shmangieje do të shkarkohej përkatësisht do të dorëheqje ministri i Punëve të Jashtme me tërë stafin politik. Aq më pak kur ndër të tjera në Ministrinë në fjalë në periudha të caktuara kanë pasë ndodhur eksese e skandale të caktuara e aq më parë kur ishte edhe dështimi i rëndë i refuzimit të Kosovës për tu pranuar në Interpol. Gjithsesi ka nevojë imediate për një ristrukturim kualitativ të Qeverisë aktuale”, pohon Smaka për gazetën “Bota sot”.