Ka marrë fund incidenti me 15 kilogramë eksploziv që Policia e Kosovës e ka gjetur në rrugën që çon drejt Gazimestanit.
Eksplozivi që është gjetur në këtë vend është çaktivizuar.
Lajmin për kallxo.com e ka konfirmuar kryeprokurori i Prishtinës, Imer Beka.
“Eksplozivi i gjetur në rrugën që çon drejt Gazimestanit është çaktivizuar dhe është tërhequr”, tha Beka.
Sipas kryeprokurorit të Prishtinës, zona ku është gjetur eksplozivi tani është nën kontrollin e Policisë.
Imer Beka tha se për momentin Prokuroria nuk ka ndonjë të dyshuar për këtë incident.
“Ende nuk kemi të dyshuar, të paktën jo ne si Prokurori”, tha Imer Beka.
