Një 44-vjeçar amerikan fitoi lirinë pas 22 viteve burg për një vrasje që ai nuk e kishte kryer.
John Miller u lirua ditën e djeshme nga Burgu i Pensilvanisë, pasi një dëshmitar kyç shfajësoi të dënuarin për grabitjen fatale të 1996 ku mbeti i vrarë një person.
David Williams ndryshoi dëshminë e 22 viteve më parë në gjyq duke pranuar se e kishte vrarë ai Anthony Mullen, jo John. Në seancën e fundit të 1 korrikut ai pranoi se e akuzoi shokun e tij John për shkak se nuk kishin marrëdhënie të mira me njëri-tjetrin.
Miller u lirua nga autoritetet dhe u mirëprit me emocione nga familjarët e tij. Ai kishte qëndruar në burg për 22 vite. Gjykata e kishte dënuar me burgim të përjetshëm dhe i kishte refuzuar kërkesën për apel 10 herë.
