Komiteti Gjyqësor i Senatit Amerikan do të votojë të enjten për të caktuar gjykatësen Amy Coney Barrett në Gjykatën e Lartë, pas së cilës ajo do të duhet të konfirmohet nga vetë Senati.
Komiteti me 22 anëtarë do të votojë në 1 pasdite sipas kohës lokale dhe nëse e miratjnë, gjyqtarja duhet të konfirmohet përfundimisht nga një Senat me 100 anëtarë.
Republikanët kanë caktuar të hënën e ardhshme të votojnë në këtë organ, që do të thotë se partia beson se ka vota të mjaftueshme për të konfirmuar emërimin e përjetshëm të Barrettit në gjykatën më të lartë të SHBA-së.
Republikanët në Senat kanë shumicën prej 53 senatorësh.
Presidenti Donald Trump ka zgjedhur një gjyqtar konservatore 48-vjeçar si kandidatin e tij pasi ikona liberale Ruth Bader Ginsburg vdiq muajin e kaluar.
Demokratët dënuan vendimin, duke akuzuar republikanët për nxitimin e procesit përpara zgjedhjeve të 3 nëntorit. Ata besojnë se vendi i lirë në Gjykatën e Lartë duhet të plotësohet nga presidenti i ardhshëm.
Nëse Barret konfirmohet, shumicën prej gjashtë me tre në këtë organ do të kenë gjyqtarët e emëruar nga republikanët në trup.
Demokratët thonë se Barrett do të kërkojë heqjen e kujdesit shëndetësor dhe do të favorizojë pikëpamjet konservatore për çështje të tilla si kontrolli i armëve ose aborti.
