​Trump prezanton Truth Social, rrjeti që do të rivalizojë Facebook e Twitter

Amerika

​Trump prezanton Truth Social, rrjeti që do të rivalizojë Facebook e Twitter

Më: 21 tetor 2021 Në ora: 08:15
Donald Trump

Ish -presidenti amerikan Donald Trump do të rivalizojë rrjetet sociale si Facebook dhe Twitter duke hapur një të tijin.

Truth Social do të quhet media sociale e Trump, ndërsa planifikohet që të ketë edhe një shërbim abonimi me video.

Trump deklaroi se platforma e tij "do t'i rezistojë tiranisë së teknologjisë së madhe", duke i akuzuar rrjetet më të mëdha sociale se i heshtin zërat kundër Shteteve të Bashkuara.

"Ne jetojmë në një botë ku talebanët kanë një prani të madhe në Twitter, megjithatë Presidenti tuaj të preferuar amerikan i mbyllet goja. Të gjithë më pyesin pse dikush nuk i reziston kompanive të mëdha teknologjike? Epo, ne do ta bëjmë së shpejti!", shtoi Trump.

Trump u pezullua nga rrjetet sociale si Twitter dhe Facebook pasi mbështetësit e tij sulmuan Kapitolin në janar.

Një version fillestar i Truth Social do të jetë i qasshëm për një pjesë të njerëzve ndërsa brenda tre muajve të parë të vitit të ardhshëm “do të ketë një përhapje mbarëkombëtare" thuhet në një deklaratë të Trump Media & Technology Group (TMTG) që është në pronësi të Trump.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat