Presidenti amerikan Joe Biden do të presë Sekretarin e Përgjithshëm të NATO-s, Jens Stoltenberg në Shtëpinë e Bardhë më 12 qershor, njoftoi Shtëpia e Bardhë.
Takimi me kreun e NATO-s, mandati i të cilit përfundon në tetor, bëhet për të diskutuar mbi samitin e ardhshëm të NATO-s në Vilnius, Lituani.
"Presidenti Biden dhe Sekretari i Përgjithshëm Stoltenberg do të shqyrtojnë përgatitjet për Samitin, duke përfshirë punën për të forcuar më tej parandalimin dhe mbrojtjen e Aleatëve, duke u mbështetur në premtimin e investimeve të mbrojtjes në Samitin e Uellsit 2014 dhe për të thelluar partneritetet e NATO-s.
Ata gjithashtu do të diskutojnë mbështetjen e aleatëve për Ukrainën përballë luftës brutale të agresionit të Rusisë.”, thuhet në deklaratën nga zëdhënësja Karine Jean-Pierre.
