Tregjet globale hapën javën me sukses pasi SHBA shpalli përjashtime nga tarifat "reciproke" për disa pajisje teknologjike – si telefona, kompjuterë dhe pajisje të ngjashme – nga tarifat reciproke të aplikura ndaj vendeve të tjera, përfshirë Kinën, raporton AA.
Rreth 20 produkte do të përjashtohen nga tarifat reciproke, sipas Doganave dhe Mbrojtjes Kufitare të SHBA, që është përgjegjëse për mbledhjen e taksave doganore, raportoi media të shtunën.
Këto përjashtime përfshijnë telefonat e mençur, kompjuterët, routerët dhe çipat semikonduktor.
Nga ana tjetër, të dielën, Trump mohoi raportet që administrata e tij kishte dhënë një përjashtim nga tarifat për mjetet elektronike si telefonat e mençur dhe çipat, në kundërshtim me sugjerimet nga fundi i javës së kaluar që produktet teknologjike do të përjashtoheshin nga tarifat reciproke të gjerë.
"ASKUSH nuk është duke 'iu shpëtuar' Balancave të padrejta të Tregtisë dhe Barrierave Të Tarifave Jo-Monetare, që shtetet e tjera kanë përdorur kundër nesh, veçanërisht Kina e cila, deri tani, na trajton më së keqti!", tha Trump të dielën në Truth Social.
VIX, një matës i njohur i pasigurisë në treg, ra me 8.8% në rreth 36.2 deri në orën 0800GMT të hënën pas një jave pasigurie, duke arritur madje në nivele prej 50, që është më e larta që nga pandemia e COVID-19.
Në SHBA, tregjet e aksioneve mbyllën të premten me fitime pas një jave pasigurie që shkaktoi humbje dhe fitime historike.
Ndërkohë, ari, një aset tradicional i sigurisë, pa një rënie të hënën pas arritjes së niveleve rekord javën e kaluar. Çmimi i arit ra në 3,228.60 dollarë për ons, duke humbur 0.24% në ditë..
