Zbulohet momenti kur Trump dha urdhrin për bombardimin e Iranit

Amerika

Zbulohet momenti kur Trump dha urdhrin për bombardimin e Iranit

Nga: Bota sot Më: 22 qershor 2025 Në ora: 19:17
Donald Trump

Presidenti Donald Trump dha urdhrin përfundimtar për sulm ndaj objekteve bërthamore iraniane të shtunën, sipas një zyrtari të lartë të Shtëpisë së Bardhë që foli për CNN.

Pas disa ditësh diskutimesh të brendshme dhe përpjekjesh diplomatike nga i dërguari Steve Witkoff, Trump vendosi të mbështesë fushatën ushtarake të Izraelit.

Sipas zyrtarëve amerikanë, urdhri iu dha Sekretarit të Mbrojtjes, Pete Hegseth, pak minuta para se bombat të hidheshin.

Rreth orës 6:40 të pasdites me orën e SHBA-ve (2:10 të mëngjesit me orën lokale në Iran), avionë amerikanë lëshuan bomba të fuqishme “bunker buster” në dy objekte të dyshuara bërthamore në Iran.

Zëvendëspresidenti JD Vance deklaroi të dielën se Trump kishte mundësinë ta ndalte sulmin deri në momentin e fundit, por zgjodhi të vazhdonte.

comment Për komente lëvizni më poshtë
Sot mund të lexoni Shfletoni kopertinat