Fitore surprizë e kandidates demokrate në Arizonë - Bota Sot
Fitore surprizë e kandidates demokrate në Arizonë

Amerika

Fitore surprizë e kandidates demokrate në Arizonë

Më: 13 nëntor 2018 Në ora: 19:46
Kyrsten Sinema

Demokratët ngushtojnë diferencën në Senat me Republikanët. Partia opozitare ka fituar në mënyrë surprizë shtetin e Arizonës. Ndërkohë, kandidatja fituese nga radhët e demokratëve është dhe gruaja e parë biseksuale që hyn në Senat.

Kandidatja demokrate, Kyrsten Sinema ka fituar garën për Senatin federal të Shteteve të Bashkuara për Arizonën, duke mundur republikanen Martha McSally dhe duke u bërë kështu senatorja e parë grua e Arizonës që prej vitit 1994.

Sinema është dhe kandidatja e parë në Senat që e ka pranuar në mënyrë të hapur se është biseksuale, ndërsa rivalja republikane McSallu, të cilën e ka mposhtur është gruaja e parë e ushtrisë së SHBA-ve që ka pilotuar një avion luftarak.

Në fillim të numërimit të votave, fitorja dukej e sigurt për republikanen, por të enjten në mbrëmje ndodhi parakalimi i Sinemas.

Kjo fitore e demokratëve e bën më pak të plotë, nga sa ishte raportuar më herët, mazhorancën e partisë së Donald Trump në Senatin e ri që do të fillojë punën në janar: në bazë të rezultateve të zgjedhjeve të gjysëmmandatit, republikanët zotërojnë 51 senatorë kundër 47 të demokratëve.

Ndërkohë, dy sfida të tjera për senatin mbeten të pazgjidhura: ajo e Misisipit, ku me 27 nëntor do të shkohet në balotazh; dhe ajo në Florida, ku përballen ish guvernatori Rick Scott dhe senatori në largim demokrat Bill Nelson.

Për këtë sfidë është i nevojshëm rinumërimi i votave. Megjithatë republikanët dhe presidenti Trump janë shprehur kundër këtij zhvillimi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test