Lëvizte me shpejtësi të madhe, hasi në patrullën e policisë gjermane të cilës i iku, ja sa ishte dënimi

Auto

Lëvizte me shpejtësi të madhe, hasi në patrullën e policisë gjermane të cilës i iku, ja sa ishte dënimi

Më: 24 tetor 2021 Në ora: 17:46
Foto ilustrim

Pronari i veturës BMW-a 440i nga Ludvigsburgu jo larg qytetit gjerman të Shtutgartit, po lëvizte me shpejtësi të madhe kur hasi në një patrullë të policisë. Kështu vendosi që të tentojë t’ju ikë – dhe ia arriti qëllimit.

“Nxora maksimumin nga vetura zyrtare me 194 kuaj-fuqi, por nuk kam arritur ta zë. Në fund hoqa dorë sepse nuk mundesha të vazhdojë të vozis sigurtë me shpejtësi mbi 120 kilometra në orë”, tha polici që ndoqi shoferin e BMW-së.

Gjatë ikjes, shkelësi i ligjit ka lëvizur nëpër Ludvigsburg, duke kaluar në të kuqe dhe me raste ka vozitur nëpër trotuare.

Më vonë është arrestuar, e 23-vjeçari ka pranuar se ka vozitur shpejtë – duke theksuar se ishte kapluar nga paniku kur pa policinë dhe se ishte nën stresin e shkaktuar nga pandemia.

Gjithashtu ka pranuar se punon për një auto-kompani të madhe, por gjatë pandemisë e ka pësuar rëndë si në aspektin e jetës private ashtu dhe në punë. Pandemia ka bërë që të ketë ulje të hyrave nga shitja e veturave, kështu tani detyrohet të punojë nga 16 orë në ditë dhe pikërisht për këtë është nën stres të madh.

E gjykata ka hedhur poshtë pretendimet e tij, e një gjë që e ka pranuar gjykata janë rrethanat lehtësuese që në mënyrë vullnetare ka pranuar t’i nënshtrohet një terapie psikiatrike.

Epilogu i tërë kësaj është që duhet të paguaj disa dënime, e për një vit do t’i merret patentë shoferi. Megjithatë më së rëndi i ka rënë vendimi i gjykatës, që BMW-në e tij me të cilën i iki policisë ta shet. Për këtë një afat prej tre muajve, e pas shitjes detyrohet t’i paguaj buxhetit të shtetit plotë 7.000 euro.

E nëse nuk e shet veturën – do t’i konfiskohet. E dënimi i fundit i është shqiptuar si masë edukimi. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat