Skoda po konsideron një SUV edhe më të vogël

Auto

Skoda po konsideron një SUV edhe më të vogël

Më: 16 nëntor 2021 Në ora: 23:55
Foto ilustrim

SUV-të e vegjël po bëhen trend në tregjet në zhvillim dhe kompania çeke Skoda dëshiron të përfitojë nga ky rast.

Skoda aktualisht po shqyrton një SUV të ri të vogël më të shkurtër se katër metra, i cili do të shitet në Indi dhe tregje të ngjashme

Skoda së fundmi mori përsipër zhvillimin e platformës MQB A0 për të gjithë Grupin Volkswagen, dhe sedani Slavia dhe Kushaq B-SUV u prodhuan në Indi dhe bazoheshin në platformën MQB A0 IN si pjesë e planit India 2.0.

Duke folur për edicionin indian të Autocar, CEO i Skoda, Thomas Schafer, konfirmoi se po konsiderohet një SUV më i vogël. Segmenti nën katër metra është sfidues. Duhet të ketë dimensione dhe pamje të mirë”, tha ai, duke shtuar se platforma bart rreth 70 për qind të vlerës së automjetit.

Ai theksoi përgjegjësinë e Skoda për platformën MQB A0 dhe tha se kishte ende punë për të bërë në të. Për të qenë i suksesshëm, SUV-i i ri i vogël nuk duhet të kufizohet vetëm në Indi, por të synohet edhe për eksporte globale.

Image

Nëse merr “dritën jeshile”, SUV do të bazohet në një version të zvogëluar të platformës MQB A0 IN. Një model i tillë mund të fuqizohet nga një motor 1.0-litërsh MPI me aspirim natyral dhe një motor 1.0-litërsh TSI turbo benzinë nga VW Group.

Një model më i shkurtër se katër metra do të ishte më i vogël se Kushaq i destinuar për tregun indian, Kamiq evropian dhe Kamiq kinez, të cilët të gjithë klasifikohen si B-SUV. Modeli i ri do të ishte një rival i drejtpërdrejtë i Citroen New C3, i cili debutoi së fundmi si një SUV i vogël për tregjet indiane dhe të Amerikës së Jugut dhe gjatësia e tij është 3.98 metra.

Gjithashtu, konkurrenca do të përfaqësohej nga Hyundai Venue, Kia Sonet, Nissan Magnite, Honda ZR-V, Toyota Raize dhe Tata Nexon në tregje të tjera. /

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat