BMW njoftoi gjeneratën e ardhshme të modelit garues M4 GT4

Auto

BMW njoftoi gjeneratën e ardhshme të modelit garues M4 GT4

Më: 26 nëntor 2021 Në ora: 14:57
Foto ilustrim

BMW ka publikuar një foto ‘ngacmuese’ që njofton ardhjen e M4 GT4 vitin e ardhshëm, një veturë garash që synon klientët.

Vetura e re e garave bazohet në gjeneratën G82 të BMW M4 që mund të blihet për ngarje në rrugë dhe do të shërbejë si pasardhës i drejtpërdrejtë i gjeneratës F82 të modelit M4 GT4 që debutoi në 2017.

BMW M Design ka lëshuar vetëm një foto ‘ngacmuese’ që lë të kuptohet për pamjen e veturës, dhe është e qartë se do të jetë ndryshe nga paraardhësi i saj.

Image

Pjesa e pasme ka një spoiler i madh, harqet e rrotave janë më të mëdha, dhe pjesa e pasme ka katër shkarkime gazrash. Difuzori është më i theksuar, pragjet janë zgjeruar dhe grila e përparme është ridizajnuar. Ka një ndarës të ri të përparmë dhe krahë karboni.

M4 GT4 e re do të fuqizohet nga një motor 3.0-litra binjake turbo, fuqia e së cilës për shkak të rregullave të konkurrencës do të jetë më e vogël se 503 kuaj fuqi të zhvilluar nga i njëjti motor si M4 Competition.

Brendësia do të jetë rrënjësisht e ndryshme nga M4 standarde.

Çmimi ende nuk është bërë i ditur, por modeli i gjeneratës së fundit në Evropë ka kushtuar rreth 170 mijë euro. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat