Mungesa e çipave do të vazhdojë deri në vitin 2023, thonë drejtuesit e kompanive prodhuese të veturave

Auto

Mungesa e çipave do të vazhdojë deri në vitin 2023, thonë drejtuesit e kompanive prodhuese të veturave

Më: 24 prill 2022 Në ora: 23:11
Foto ilustrim

Po prisni që çmimet për veturat e reja dhe të përdorura të ulen? Ju mund të duhet të prisni disa vite të tjera.

Kështu së paku thuhet në një shkrim të Newsweek.

Sipas shkrimit në fjalë, prodhuesit e automobilave kanë duruar ndërprerje të mëdha të zinxhirit të furnizimit për dy vjet tani.

Dhe mungesa e çipave gjysmëpërçues dhe komponentëve të tjerë, si dhe pandemia globale, ka çuar në ndalimin e prodhimit, vonesat dhe mungesat e inventarit që kanë tronditur tregjet e makinave të reja dhe të përdorura.

Por kur pritet të përfundojë kjo?

CEO i BMW, Oliver Zipse, tha kohët e fundit se ai pret që mungesa e çipave të mbetet problem edhe në vitin 2023.

CEO i Ford-it Jim Farley gjithashtu ka thënë së fundmi se problemi ka të ngjarë të vazhdojë edhe vitin e ardhshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat