Honda RC30 e prodhuar në vitin 1990 dhe e pa regjistruar më parë shitet për 77 mijë euro

Auto

Honda RC30 e prodhuar në vitin 1990 dhe e pa regjistruar më parë shitet për 77 mijë euro

Më: 19 maj 2022 Në ora: 19:28
Foto ilustrim

Më 14 maj 2022, u thye një rekord në ankandet britanike nga një Honda VFR750R RC30 e prodhuar në vitin 1990, dhe e cila nuk u regjistrua asnjëherë.

Kjo motoçikletë ishte në pronësi të disa koleksionuesve privat kur edhe ishte fringo e re nga fabrika, asnjëherë nuk u regjistrua, dhe në treguesin e kilometrave shfaqet vetëm numri dy, pra ka kaluar vetëm dy kilometra – në 32 vite.

Kur u prodhua, ajo u shit vetëm për rreth 10,000 euro, e që në qoftë se merret parasysh edhe inflacioni atëherë vlera në ditët e sotme do të ishte afër 25,000 euro.

Nuk është çmimi real, ndoshta do të thuhej nga shumë kush, por çmimi me të cilin kjo motoçikletë e rrallë u shit është 65,250 funte – ose 77,000 euro.

Kjo motoçikletë e rrallë u eksportua nga Japonia në Itali, ku pastaj u bë pjesë e Koleksionit të Honda-ve të David Silver-it deri në vitin 2017.

Motoçikleta u shit në gjendje të rregullt, dhe fituesi fatlum i ankandit gjithashtu si pjesë të blerjes do ta ketë edhe çantën e veglave origjinale që u transportua me motoçikletën kur edhe u ble në vitin 1990, së bashku me të gjitha dokumentet origjinale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat