Chevrolet Equinox EV 2024 do të prezantohet gjatë këtij viti

Auto

Chevrolet Equinox EV 2024 do të prezantohet gjatë këtij viti

Më: 25 korrik 2022 Në ora: 18:25
Foto ilustrim

Përderisa të gjithë po i gëzohen lansimit të Chevrolet Blazer EV, kompania në mënyrë të qetë ka përditësuar ueb-sajtin e saj. Ngjitur me Blazer EV tani është edhe fotoja e Chevy Equinox EV, dhe vizitorët e ueb-sajtit mund të regjistrohen për përditësime nga posta elektronike kështu që ata nuk do ta humbasin lansimin zyrtar të SUV-së më të vogël.

Foto e shfaq Equinox EV LT – zbukurim i nivelit fillestar i cili nuk është shfaqur asnjëherë më parë në imazhe teaser. Ky imazh i ri tregon qartë hapësirën e vërtetë të makinës nga toka, dhe dorezat mjaft interesante të cilat nuk gjinden në veturën më të shtrenjtë Blazer EV.

Equinox është më i vogël se Blazer EV, nuk është aq i gjatë sa ajo dhe është më i shkurtët, edhe pse të dyja veturat kanë të përbashkët arkitekturën Ultium.

Platforma veçse ka treguar fleksibilitetin e mahnitshëm kur vije tek ofrimi i madhësisë së baterive dhe fuqisë së ndryshme në modelet e tjera të shumta të linjës së General Motors.

Chevrolet më herët kishte publikuar imazhe teaser që tregonin se Equinox do të vije në serinë e modeleve Super Sport. Nuk do të jetë aq i fuqishëm sa Blazer EV SS, por do të jetë mjaft afër saj, dhe duke qenë se është veturë më e vogël dhe më e shkathët, ngasja e saj do të jetë argëtuese.

Limiti i ngasjes do të jetë 482 kilometra me një model të motorit me bateri të vetme, por që bateria më e madhe do të mund të shtojë në shumë kilometrazh të ngasjes.

Nga General Motors janë të bindur se çmimi fillestar i Equinox EV do të jetë rreth 29,300 euro. Çmimet e Blazer EV janë shumë të ulëta kur krahasohen me konkurrencën në treg.

Nëse kompania arrin që t’i përmbushë premtimet e saja, Equinox do të shitet aq shpejtë nga dhomat e ekspozitës, njëjtë sikur letrat e tualetit që “fluturuan” nga raftet e marketeve gjatë mbylljes së parë nga COVID.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat