Silk-Faw konfirmon planin për ndërtimin e makinave elektrike në Itali

Auto

Silk-Faw konfirmon planin për ndërtimin e makinave elektrike në Itali

Më: 26 korrik 2022 Në ora: 11:44
Foto ilustrim

Silk-Faw, një start-up i firmës amerikane të inxhinierisë dhe dizajnit të automobilave Silk EV dhe prodhuesit kinez të automjeteve FAW, tha të hënën se do të vazhdojë përpara me një plan, me vlerë mbi një miliard euro, për të ndërtuar makina elektrike në Itali.

Sipas Reuters, Silk-FAW do të finalizojë blerjen e tokës në qytetin e Reggio Emilia ku objekti për prodhimin e makinave do të ndërtohet më 5 gusht.

Në fillim të shtatorit, kompania do të mbajë ceremoninë e hapjes së objektit të prodhimit, që do të përfshijë gjithashtu selinë e kompanisë dhe një qendër kërkimore.

Në fillim të këtij muaji, qeveria rajonale e Emilia-Romagna e Italisë kërkoi siguri nga Silk-FAW mes shqetësimeve nga autoritetet lokale se plani mund të mos shkonte përpara.

Anëtari bordit të SilkFaw, Li Chongtian – i cili është gjithashtu kreu i FAW Capital Holding Co., njësia përgjegjëse për investimet e jashtme të FAW – konfirmoi mbështetjen e plotë të FAW për projektin.

“Silk dhe FAW janë të përkushtuar për suksesin e partneritetit tonë”, tha ai në deklaratë, duke shtuar se grupi po punonte për të siguruar që sipërmarrja e përbashkët të kishte burimet e nevojshme për të ekzekutuar planin e saj të biznesit.

Silk-FAW planifikon të zhvillojë dhe prodhojë hipermakina luksoze elektrike dhe hibride në Kinë dhe në Itali nën markën Hongqi.

Vitin e kaluar zgjodhi qytetin e Reggio Emilia për të ndërtuar objektin e saj, në një zonë të njohur si “Lugina e Motorëve” e Italisë, e cila është shtëpia e markave duke përfshirë Ferrarin, Lamborghinin, Maseratin dhe Ducatin.

Prodhimi pritej të fillonte në fillim të vitit 2023, por plani ende nuk ka bërë përparim, pasi kompania përmendi problemet me hipotekën e nevojshme për të blerë tokë për fabrikën.

Qeveria rajonale e Emilia-Romagna dhe qyteti Reggio Emilia thanë në një deklaratë të veçantë se videokonferenca e së hënës ishte “e nevojshme dhe e rëndësishme”, por shtuan se ata ende prisnin të merrnin procesverbalin e takimit të nënshkruar nga drejtuesit e Silk-FAW që konfirmonin angazhimet e tyre. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat