Skoda planifikon prodhimin e një SUV-je të vogël me çmim më përballues

Auto

Skoda planifikon prodhimin e një SUV-je të vogël me çmim më përballues

Më: 11 shtator 2022 Në ora: 08:49
Foto ilustrim

Skoda po konsideron një SUV të ri të përmasave të qytetit për t’u bërë makina elektrike më e lirë në gamën e saj – me një çmim fillestar nën 16,000 euro në tregun evropian.

Ata dëshirojnë që vetura e re elektrike ta përmbushë rolin e njëjtë me atë të veturës së qytetit Fabia, e pozicionuar si modeli më i gjerë i nivelit fillestar të Grupit Volkswagen në Evropë, pasi makina e vogël e qytetit VW Up do të ndërpritet në vitet e ardhshme.

Puna është duke u zhvilluar për të vlerësuar realizueshmërinë e projektit, i cili do të ishte si shtesë e tre SUV-ve elektrik – të udhëhequr nga makina e madhe me shtatë ulëse Vision 7S – të konfirmuar tashmë nga Skoda dhe të raportuara më parë nga Drive

“Skoda, nga pikëpamja ime, duhet të jetë marka e cila e ka qasjen më të lehtë në VW Group” tha drejtori i ri ekzekutiv i Skoda Klaus Zellmer.

Skoda veçse ka treguar planet e saja për një SUV të ri të vogël elektrik, i cili do të jetë model i ndarë identik me modelet e Cupra dhe Volkswagen – dhe do të bazohet në platformën më të lirë elektrike MEB “Lite” e zhvilluar për përdorim nga VW Group.

Por Zellmer tha se vetura e re e propozuar duhet të jetë më e vogël dhe më e lirë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat