Gjenerata e tretë e Volkswagen Tiguan arrin në treg vitin e ardhshëm

Auto

Gjenerata e tretë e Volkswagen Tiguan arrin në treg vitin e ardhshëm

Më: 12 shtator 2022 Në ora: 17:42
Foto ilustrim

Kur u lansua në vitin 2007, Tiguan ishte gjetje e madhe për Volkswagenin, kështu që nuk është për t’u habitur se pavarësisht elektrifikimit të gamës do të ketë modelin e ri.

Gjenerata e tretë e Tiguan do të duhej të prezantohej në kah fundi i vitit të ardhshëm. Prototipi i parë tashmë është kapur “nga objektivi” i auto-paparacëve, duke ua lehtësuar punën atyre që po ngacmojnë imagjinatën se si do të mund të dukej Tiguani i ri.

Duket se do të jetë një kombinim mes elementeve të dizajnit të gjeneratës së fundit të Golfit dhe crossoverit elektrik ID.4, pavarësisht se këto detaje janë të mbuluara me maska në prototip.

Përveç dizajnit të ri të pjesës së përparme, pritet të ketë dimensione më të mëdha – por edhe një pamje akoma më atraktive.

Gjykuar nga pamjet, Volkswagen më nuk do të ketë gypa në pjesën e pasme që shërbejnë për nxjerrjen e gazrave, por tani do të jetë vetëm një mbrojtës plotësisht i mbyllur.

Misteri më i madh i kësaj veture mbetet enterieri. E duke marrë parasysh se do të ketë dimensione më të mëdha, ka gjasa që të prezantohen dy versione – ai me pesë ulëse dhe me shtatë.

Sa i përket motorit – do ta ruaj atë nga njësia SUS, por që do të plotësojë normat e Euro 7. Në kulmin e ofertës do të jetë varianti sportiv R.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat