​Kia do të nisë prodhimin e automjeteve elektrike në SHBA në vitin 2025

Auto

​Kia do të nisë prodhimin e automjeteve elektrike në SHBA në vitin 2025

Më: 24 nëntor 2022 Në ora: 13:25
​Kia

Kia ka prodhuar më shumë se 3.8 milionë automjete në SHBA që nga viti 2009.

Në ceremoninë e fundit me rastin e fillimit të ndërtimit të fabrikës Hyundai Motor Group Metaplant (HMGMA), Kia Corporation konfirmoi se fillimi i prodhimit të automjeteve elektrike të asaj marke është planifikuar për gjysmën e parë të vitit 2025, në një objekt të dedikuar për prodhimin e automjeteve elektrike (EV) dhe baterive në Savannah (Xhorxhi, SHBA).

Që nga viti 2009, Kia ka prodhuar më shumë se 3.8 milionë automjete në SHBA dhe në vitin 2006 ka realizuar një nga investimet e huaja më të mëdha në historinë e shtetit amerikan të Xhorxhia-s.

Në këtë impiant prodhimi më të avancuar, prodhohen pothuajse 40% e të gjitha shitjeve të makinave Kia në SHBA.

Kia në Shtetet e Bashkuara të Amerikës prodhon modele SUV Telluride, Sorento, Sportage dhe sedan K5, madje 90 për qind e këtyre automjeteve shiten në tregun amerikan, ku janë 750 përfaqësues të shitjeve të veturave Kia.

Në vitet e ardhshme, fabrika e re duhet të punësojë më shumë se 8100 njerëz, sepse në një grup që përveç markave Kia dhe Hyundai, përfshin edhe një markë të tretë - Genesis, ata duan të krijojnë një zinxhir të qëndrueshëm furnizimi për bateri dhe komponentë të tjerë për automjetet elektrike në SHBA.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat