Kamioni Tesla Semi përfundon një udhëtim testues prej 800 kilometra – ishte me ngarkesë të plotë

Auto

Kamioni Tesla Semi përfundon një udhëtim testues prej 800 kilometra – ishte me ngarkesë të plotë

Më: 28 nëntor 2022 Në ora: 13:52
Foto ilustrim

Kamioni Tesla Semi ka arritur të përfundojë udhëtimin e parë prej 800 kilometrash (500 miljesh) me një rimorkio plotësisht të ngarkuar, dy ditë përpara fillimit të dërgesave zyrtare.

Tesla Semi u prezantua në vitin 2017 dhe synonte të hynte në prodhim në vitin 2019 me klientët e parë që shpresonin të transportonin ngarkesat e tyre pa emetime në kohë për Krishtlindjet e atij viti.

Por na u desh të prisnim edhe 3 vjet të tjera.

Kamionët e parë do t’i dorëzohen Pepsi-t këtë të enjte në një ngjarje speciale në fabrikën Giga Nevada.

Kur Semi u prezantua, ishte një revolucion i vërtetë, një kamion i klasës 8 me emetim zero, i aftë për të udhëtuar 800 kilometra (500 milje) përderisa ishte plotësisht i ngarkuar.

Për fat të keq konkurrenca “nuk ishte në gjumë” për 5 vitet e fundit dhe Volvo së bashku me Mercedes dhe Freightliner dhe madje edhe Nikola, arritën të sjellin automjetet e tyre në treg, shkruan Arena EV.

Me një postim në Twitter, Elon Musk konfirmoi se pritja 5 vjeçare ia ka vlejtur.

Pse është kaq e rëndësishme distanca prej 800 kilometrash (500 miljesh)?

Në SHBA, një shofer kamioni mund të ngasë 8 orë përpara se të ketë nevojë të pushojë.

Në atë kohë ata përfundojnë mesatarisht pak më pak se 800 kilometra (500 milje) të ngasjes dhe kjo është ajo që i duhej industrisë së transportit – duke mos pasur nevojë për të ndryshuar logjistikën, por thjesht duke qenë në gjendje të ndërrojnë kamionët me benzinë me ato elektrike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat