Tesla Model Y u bë makina më e shitur në të gjithë Evropën në nëntor. Është për herë të dytë, dhe jo vetëm në kuadër të automjeteve elektrike, por për të gjitha makinat.
Me kalimin e viteve, automjetet e Tesla-s, janë bërë shpesh automjetet më të shitura në disa tregje evropiane.
Megjithatë, kurrë nuk kryesoi listën e makinave më të shitura në të gjithë kontinentin evropian deri në këtë shtator kur mori kontrollin në kontinent.
Prodhuesi i automjeteve nuk e mbajti vendin e tij në tetor për shkak të mungesës së dërgesave që vinin nga Kina, por tani numrat e nëntorit u rritën përsëri dhe Tesla u kthye në krye me Model Y.
Sipas të dhënave nga Automotive News Europe, Tesla dorëzoi rreth 20,000 automjete Model Y në Evropë muajin e kaluar:
“Tesla shiti 19,144 njësi të SUV-it të mesëm premium, një rritje prej më shumë se 260 për qind në të njëjtin muaj të vitit të kaluar. Ishte një rikthim i madh për modelin elektrik pasi doli nga top 50 në tetor, vetëm një muaj pasi përfundoi si më i shituri në Evropë”.
Dhjetori pritet të jetë një muaj edhe më i madh bazuar në të dhënat e hershme. Për shembull, Tesla ka dorëzuar tashmë 5,000 automjete Model Y vetëm në Norvegji në dhjetor.
Rritja e popullaritetit të Model Y në Evropë vjen pasi Tesla rriti prodhimin e Model Y në fabrikën gjermane.
Prodhuesi i automjeteve konfirmoi së fundmi se fabrika tani po prodhon 3,000 automjete Model Y në javë. Të gjitha ato automjete janë për tregun evropian, dhe Tesla gjithashtu dërgon makina nga Gigafactory Shangai në Evropë.
Elon Musk tha se Modeli Y mund të bëhet më i shituri në botë dhe duket se ka të drejtë.
Por ndërsa prodhimi rritet, duket se Tesla do të jetë në gjendje të prodhojë së shpejti mbi 100,000 Model Y në muaj, Tesla ka të ngjarë të duhet të fokusohet në një version më të lirë të automjetit – diçka që duhet të bëjë në disa tregje si Amerika e Veriut.
Pasi të ketë një version të “gamës standarde” në Amerikën e Veriut, Model Y sipas Electrek do të jetë padyshim automjeti më i shitur në botë.
