Shoferët e BMW-ve mund të hapin makinat e tyre me telefonat Android

Auto

Shoferët e BMW-ve mund të hapin makinat e tyre me telefonat Android

Më: 25 prill 2023 Në ora: 19:49
Foto ilustrim

Vitin e kaluar BMW lansoi opsionin Digital Key Plus për iPhone, një veçori që iu jep shoferëve të BMW-s mundësinë për ta hapur dhe mbyllur makinën e tyre dhe për ta ndezur nga distanca nga iPhone-i ose Apple Watch.

Kur u lansua, prodhuesi premtoi se do ta sillte edhe në telefonat Android dhe tani ai premtim u bë realitet për disa pajisje.

Veçoria përdor teknologjinë ultra-wideband (UWB) për të mundësuar komunikim të sigurt midis telefonit dhe makinës.

Përditësimi tani vjen për pajisjet Samsung dhe Google Pixel që kanë versionin Android 13 ose më të fundit me mbështetjen ultra-wideband.

Në mënyrë të veçantë, veçoria  do të funksionojë në Galaxy S23+, S23 Ultra, S22+, S22 Ultra, S21+, S21 Ultra, Z Fold 4, Z Fold 3, Note 20 Ultra (në tregjet me Samsung Wallet) dhe Pixel 7 Pro dhe Pixel 6 Pro.

Përtej kufizimeve të telefonit, veçoria gjithashtu funksionon vetëm në automjetet e prodhuara në nëntor të vitit 2022 dhe më tej, me një përditësim të ardhshëm të softuerit të planifikuar për të sjellë pajtueshmëri me disa modele të vjetra.

commentFirst article
Sot mund të lexoni Shfletoni kopertinat