Elon Musk nuk ka të drejtë për një paketë të rëndësishme kompensimi të dhënë nga bordi i drejtorëve të Tesla-s që mund të jetë me vlerë më shumë se 55 miliardë dollarë (50.7 miliardë euro), vendosi të martën një gjykatës në Delaware.
Vendimi i kancelares Kathaleen St Jude McCormick vjen më shumë se pesë vjet pasi një padi e aksionarëve kishte në shënjestër CEO të Tesla Musk dhe drejtorët e kompanisë.
Ata u akuzuan për shkelje të detyrave të tyre ndaj prodhuesit të automjeteve elektrike dhe paneleve diellore, duke rezultuar në humbje të aseteve të korporatës dhe pasurim të pabazë për Musk.
Avokatët e aksionerit argumentuan se paketa e kompensimit duhet të anulohet sepse ajo ishte diktuar nga Musk dhe ishte produkt i negociatave të rreme me drejtorët që nuk ishin të pavarur prej tij. Ata gjithashtu thanë se ishte miratuar nga aksionarët, të cilëve iu dhanë deklarime mashtruese dhe jo të plota në një deklaratë përfaqësuese.
