Gjigandi britanik i automjeteve ‘Jaguar- Land Rover’ ka thënë se do të pezullojë dërgesat në SHBA.
Kompania tha se i duhej kohë për të punuar për të "adresuar kushtet e reja tregtare" të tarifave të Donald Trump.
“SHBA është një treg i rëndësishëm për markat luksoze të JLR. Ndërsa punojmë për të adresuar kushtet e reja të tregtimit me partnerët tanë të biznesit, ne po ndërmarrim disa veprime afatshkurtra, duke përfshirë një pauzë të dërgesës në prill, ndërsa zhvillojmë planet tona afatmesme deri në afatgjata", tha një zëdhënës i kompanisë
Vendimi i JLR erdhi pasi një taksë prej 25% për të gjitha makinat e importuara në Amerikë filloi të enjten dhe tarifa bazë prej 10% hyri në fuqi sot.
Firmat britanike të makinave po përballen me rregullat e reja të tregtisë, duke u përpjekur të lundrojnë pasojat. Pritet që industria e automobilave në Mbretërinë e Bashkuar të goditet rëndë nga tarifat e reja.
