Porsche ka zbuluar modelin 963 RSP, një version unik dhe të homologuar të makinës së saj garuese.
Automjeti u prezantua në prag të 24 Orëve të Le Mans-it, ku do të ekspozohet edhe për publikun.
Modeli është krijuar në nder të 50-vjetorit të porosisë së modelit rrugor legjendar Porsche 917 dhe mban inicialet e Roger S. Penske, një ikonë e garave dhe partner i ngushtë i markës gjermane.
Për t’u përshtatur për rrugët publike, makina është modifikuar në mënyrë të konsiderueshme.
Pas prezantimit në Le Mans, 963 RSP do të shkojë në Muzeun Porsche në Stuttgart, përpara se të marrë pjesë në Goodwood Festival of Speed në korrik.
Modeli do të mbetet unik dhe jo i disponueshëm për shitje.
