Talibanët vrasin 14 pjesëtarë të forcave qeveritare - Bota Sot
Talibanët vrasin 14 pjesëtarë të forcave qeveritare

Azia

Talibanët vrasin 14 pjesëtarë të forcave qeveritare

Më: 28 gusht 2019 Në ora: 12:48
Foto nga arkivi. Pjesëtarë të forcave afgane gjatë inspektimit pas një shpërthimi në Kabul. Gusht, 2019

Militantët talibanë vranë të paktën 14 anëtarë të një milicie pro-qeveritare në Afganistan, njoftuan autoritetet zyrtare.

Zyrtarët e qeverisë thanë se gjatë përleshjeve në provincën perëndimore të Heratit u plagosën edhe disa civilë.

Talibanët nuk i kanë komentuar ende këto raportime.

Incidenti ndodhi në kohën kur SHBA-ja po negocion me talibanët arritjen e një marrëveshjeje, që do t’i jepte fund luftës afro 18-vjeçare afgane.

Pak detaje dihen deri më tash për negociatat, por një marrëveshje mes SHBA-së dhe talibanëve do të përfshijë tërheqjen e forcave të huaja nga Afganistani, në këmbim të garancive nga talibanët, se vendi nuk do të bëhej strehë për grupet e tjera ekstremiste.

Një marrëveshje e tillë do të pasohej nga negociatat paqësore brenda Afganistanit për një zgjidhje politike, dhe një armëpushim të përhershëm.

Shtetet e Bashkuara përfunduan zyrtarisht misionin e saj luftarak në Afganistan në vitin 2014, por rreth 14.000 trupa amerikane mbeten në vend, kryesisht duke trajnuar dhe këshilluar forcat qeveritare që luftojnë me talibanët, mbështetësit e grupit ekstremist Shteti Islamik dhe militantë të tjerë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...