Komandanti i lartë i Al-Kaedës, Asim Omar ka mbetur i vrarë në një sulm të përbashkët të forcave amerikane dhe afgane në një strehë talebanësh në Helmand që gjithashtu la të vdekur edhe 40 civilë.
Asim Omar ishte kreu i operacioneve të grupit terrorist në Azinë e Jugut.
Omar vdiq së bashku me gjashtë kolegë të Al-Kaedës në sulmin e përbashkët amerikano-afgan në Musa Qala në 23 Shtator, shkruan Daily Mail.
Civilët e vrarë në këtë operacion ishin gra dhe fëmijë të cilët ishin pjesëmarrës të një dasme e cila ishte afër strehimit të talebanëve.
Zëdhënësi i presidentit afgan ka thënë se janë shumë të mërzitur dhe shqetësuar me rastin e humbjes së jetëve të civilëve të cilët gjendeshin në zonën që u kry sulmi.
