​Kina paralajmëron ligj të sigurisë kombëtare për shkak të protestave në Hong Kong - Bota Sot
​Kina paralajmëron ligj të sigurisë kombëtare për shkak të protestave në Hong Kong

Azia

​Kina paralajmëron ligj të sigurisë kombëtare për shkak të protestave në Hong Kong

Më: 22 maj 2020 Në ora: 07:14
Ilustrim

Ruajtja e sigurisë kombëtare është një interes themelor i Kinës dhe Hong Kongut, tha të enjten zëdhënësi i Parlamentit kinez Zhang Yesui, duke komentuar njoftimin e një ligji të ri të sigurisë pas protestave pro-demokracisë vitin e kaluar në këtë vend. Yesui tha në një konferencë për shtyp se forcimi i sigurisë kombëtare është themeli mbi të cilin mbështetet stabiliteti i shtetit.

Sipas agjencisë shtetërore kineze Xinhua, Pekini ka vendosur të miratojë ligje të reja në lidhje me sigurinë kombëtare për shkak të ngjarjeve në Hong Kong, dhe në takimet përgatitore në parlamentin kinez, u miratua një plan për të miratuar një ligj për “krijimin dhe përmirësimin e sistemit juridik të mbrojtjes së sigurisë kombëtare”.

Duke përmendur burime pa emër, South China Morning Post raportoi se ishin planifikuar zgjidhje ligjore për të ndaluar Hong Kongun nga shkëputja nga Kina, ndërhyrjet nga jashtë, aktivitetet terroriste dhe të gjitha aktivitetet e tjera të vlerësuara për të minuar qeverinë qendrore në Pekin.

Ligji, i cili pritet të dërgohet për debat parlamentar, mund të shënojë një pikë kthese në marrëdhëniet e Pekinit me Hong Kongun, i cili gëzon një reputacion si një qytet liberal dhe multietnik, duke e bërë potencialisht Uashingtonin të rishqyrtojë qëndrimin e tij ndaj statusit të tij dhe mund të jetë një stimul për protesta të reja kundër politikës së Kinës.

Thirrjet për protesta të reja u shfaqën në rrjetet sociale qysh të enjten, dhe dhjetëra protestues u përgjigjën menjëherë duke u mbledhur në disa vende siç janë qendrat tregtare. Ata e bënë këtë nën vëzhgimin e oficerëve të policisë që nuk ndërhynë. Qytetarët e Hong Kongut pushtuan rrugët vitin e kaluar, për të protestuar ndaj një ligji që është shfuqizuar që nga ajo kohë, duke parashikuar mundësinë e ekstradimit të të dyshuarve në Kinë për krime të ndryshme.

Dy ish-kolonitë evropiane, Hong Kong dhe Makao, u kthyen në sundimin kinez në fund të viteve 1990, nën një marrëveshje për të ruajtur strukturën e tyre ekonomike dhe autonominë në një model “një shtet, dy sisteme”. Por protestat pro-demokracisë kanë shpërthyer në Hong Kong vitin e kaluar, duke vënë në dyshim sistemin politik, dhe në javët e fundit ato duket se po forcohen përsëri. Britania, e cila pushtoi Hong Kongun në mesin e shekullit të 19-të, e ktheu zonën në Kinë në 1997. Macao, një ish-koloni portugeze, u kthye dy vjet më vonë.

Shfaq komentet
comments powered by Disqus
Sot mund të lexoni Shfletoni kopertinat